An torrer-mein
14 👁 0 ★
Gwel’t e vezan da c’houloù deiz
O kuitaat didrouzik va neizh
Evit mont da vordig an hent
Da derriñ kailhastr a bep ment.
Ne ra nikun van da’m morzhol.
Ne ra mouezhig heklev d’e daol,
Hiboud va c’hunujenn hepken
Ouzh va harpañ em flanedenn.
Dirazon ma chom un’ bennak,
Eo ur bugel pe un den vak ;
Ha pet hini pa dremenont
’Stlap ouzhin selloù divergont !
Rak va micher, piv n’her goar,
Gant an holl a zo disprizet,
Laket ’vez er renk diwezhañ :
Un denig an hini he gra !
Padal er bed-mañ ‘vit pep stad
Eo ret kaout tud a galon vat ;
Jezuz e-unan hen diskouez :
’N e yaouankiz e oe kalvez.
’Vel ma’z eus paour ha pinvidik,
Re eurus ha re reuzeudik
Atav ’welomp ’heul re uhel
Tud keizh a zo o stad izel.
An droug n’eo ket ar baourentez
Met an dispi hag an dilez ;
Da c’hortoz ma reno ar Gwir,
Ho pet dalc’hegezh ur maenhir.
Er vuhez ’z oc’h ur perc’hirin
’Zle bale adal’ ar mintin
Oc’h en em ouestlañ d’e labour
Ha pediñ Doue d’e sikour.
O kuitaat didrouzik va neizh
Evit mont da vordig an hent
Da derriñ kailhastr a bep ment.
Ne ra nikun van da’m morzhol.
Ne ra mouezhig heklev d’e daol,
Hiboud va c’hunujenn hepken
Ouzh va harpañ em flanedenn.
Dirazon ma chom un’ bennak,
Eo ur bugel pe un den vak ;
Ha pet hini pa dremenont
’Stlap ouzhin selloù divergont !
Rak va micher, piv n’her goar,
Gant an holl a zo disprizet,
Laket ’vez er renk diwezhañ :
Un denig an hini he gra !
Padal er bed-mañ ‘vit pep stad
Eo ret kaout tud a galon vat ;
Jezuz e-unan hen diskouez :
’N e yaouankiz e oe kalvez.
’Vel ma’z eus paour ha pinvidik,
Re eurus ha re reuzeudik
Atav ’welomp ’heul re uhel
Tud keizh a zo o stad izel.
An droug n’eo ket ar baourentez
Met an dispi hag an dilez ;
Da c’hortoz ma reno ar Gwir,
Ho pet dalc’hegezh ur maenhir.
Er vuhez ’z oc’h ur perc’hirin
’Zle bale adal’ ar mintin
Oc’h en em ouestlañ d’e labour
Ha pediñ Doue d’e sikour.
Emaout o lenn un destenn a zo bet skrivet e brezhoneg, dalc’h soñj neuze ma’z eo lennegezh ar vrezhoneg evel ar re all : hec’h ijin hag he saour hec’h-unan he deus.
Disheñvel ez int marteze diouzh an hini (gallek, saoznek…) a zo bet roet dit da dañva er skol. Daoust hag e tlefe bezañ laket lennegezh ar vrezhoneg dindan an treid evit se ?
Dre-se, dalc’h soñj eus ar fouge ez eo kenveriañ ul lennegezh ouzh un all. Kemer an testennoù evel ma’z int, lennadenn vat, ha tenn plijadur deus outo !
Ur soñj a zeu dit ? Ne zale ket ken ha deus e darempred ganin, n’eus forzh pe soñj e ve. Daoust ma n’on ket wonderwoman (ha piv a oar ?) e vi souezhet, marteze.
An holl destennoù a-us en em gav bremañ en damani foran hervez lezenn eus Bro-C’hall (70 vloaz goude marv an aozer), hogen taol evezh : lezennoù all a c’hell lakaat an dale da vout hiroc’h c’hoazh.
Bez en ez aes da arverzañ an destenn diouzh da c’hoant, nemet e venegi al lec’hienn-mañ mar plij dit. Evel just e lavaran trugarez d’an holl dud a roy din da anaout ar fazioù hag an diresistedoù a c’hell bezañ kavet.