Skedus

Pa oan e kêr ar Roc’h,
Yaouank ha leun a lorc’h,
    E kêr ar Roc’h,

’Ana’en div verc’h kaer,
Unan ’vel ar roz-naer,
    Div verc’hig kaer,

An hini yaouankañ
Koantoc’h ’vit ar c’hoantañ,
    Ar yaouankañ

Naig, un heizez flour
Er c’hoadoù, ’traoñ an dour,
    Un heizez flour.

Etre ar merc’hed kaezh,
Pa’z ae o mamm e-maez,
    D’ar merc’hed kaezh.

Me ’lenne ul levr brav
Etre an aeligo,ù
    Ul levrig brav :

- Deuñv[e]-mab ar Roue
Hag e goantig ivez,
    Mab kaer ’r Roue

Muntret er garreg korn,
’Int kousket dorn-ha-dorn
    Er garreg korn. -

Hag e ouelemp neuze ;
Annaig marteze,
    Hi ne ouele ;

Soñj em eus e savas,
Ha d’an nec’h e pignas
    Kerkent ’savas :

Ar glujar ’nij d’ar c’hoad
Pa ve gwallet ervat,
    A guzh er c’hoad,

’Lec’h dont ’tu ’r chaseer
Evit mervel emberr,
    ’Tu ’r chaseer.

Er Roc’h, pa oan yaouank
’C’hoarzhen ha gouelen stank,
    Pa oan yaouank.